នាព្រឹកថ្ងៃទី៥ ខែសីហា ឆ្នាំ២០២៥ ឯកឧត្តម ញ៉ែម សាម៉ន និងឯកឧត្តម សាន់ ឡាទីន សមាជិកក្រុមសមាជិកព្រឹទ្ធសភាប្រចាំភូមិភាគទី៨ តំណាងឯកឧត្តមបណ្ឌិត នាង ផាត ប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញចូលរួមគោរពវិញ្ញាណក្ខន្ធសព និងបាននាំយកបច្ច័យចំនួន១,០០០,០០០ រៀល ចូលបុណ្យសពឯកឧត្តម នូ ភឿង ទីប្រឹក្សាប្រឹក្សារាជរដ្ឋាភិបាល និងជាអតីតអភិបាល នៃគណៈអភិបាលខេត្តក្រចេះ ដែលបានទទួលមរណភាពកាលពីថ្ងៃ១ ខែសីហា ឆ្នាំ២០២៥ នៅវេលាម៉ោង ៨:៤២នាទីយប់ ក្នុងជន្មាយុ៨០ឆ្នាំ ដោយជរាពាធ។
ពិធីបុណ្យប្រារព្ធធ្វើនៅគេហដ្ឋាននៃសព ផ្ទះលេខ៧៥៦ ផ្លូវលេខ៥ ស្ថិតនៅភូមិវត្ត សង្កាត់ក្រចេះ ក្រុងក្រចេះ ខេត្តក្រចេះ។
ប្រភព៖ ការិយាល័យអមក្រុមសមាជិកព្រឹទ្ធសភាប្រចាំភូមិភាគទី៨
សម្រួលខ្លឹមសារ៖ នាយកដ្ឋានព័ត៌មាន
